शिवसेनेच्या वतीने दिवाळी निमित्त नाविन्यपुर्ण उपक्रमाचे आयोजन
पन्नास हजार घरांवर भगवे ध्वज लावण्याचा संकल्प
औरंगाबाद,३०ऑक्टोबर /प्रतिनिधी:- शिवसेना सातत्याने विविध उपक्रम राबवीत असते,याच उपक्रमाचा भाग म्हणुन दिपावली निमित्त नाविन्यपुर्ण उपक्रमाचे आयोजन करण्यात येणार आहे. यात ध्वज दिवाळी अभियान राबविणार असुन पन्नास हजार घरांवर भगवे ध्वज लावण्याचा संकल्प करण्यात आला आहे. १ ते ३ नोव्हेंबर रोजी हे उपक्रम होणार आहेत.
4 नोव्हेंबर दिपावलीच्या भल्या पहाटे शासकीय वैद्यकिय ,महाविद्यालय ( घाटी ) परीसरात रुग्णांच्या नातेवाईकासाठी सकाळी 5 ते 7 या वेळात अभ्यंगस्नान आयोजीलेले आहे. शिवसेनेच्या वतीने यावेळी गरम पाणी , उटणे , साबनाने अभ्यंगस्नान घातले जाईल.
5 नोव्हेंबरला शिवसेना ठिकठिकाणी आकाश दिव्याच्या धर्तीवर ‘विकास दिप’ लावतील चौकाचौकात औरंगाबाद शहरात होत असलेला व होणा-या विकासाबाबतीत उद्घोषण असतील असे 200 ‘ विकास दिप ‘ ठिकठिकाणी लावण्यात येणार आहे.
6 आणि 7 नोव्हेंबर रोजी महिला आघाडीच्या वतीने भाऊबीज साजरी केली जाणार ती प्रामुख्याने कोरोनायोध्द्या सोबत त्यात वैद्यकिय महाविद्यालयातील वैद्यकिय सहाय्यक (कंपाऊंडर ) यांना भेट वस्तु देवुन ओवाळले जाईल. त्याचबरोबर 7 नोव्हेंबर रोजी शहरातील 33 स्मशानभुमी मध्ये अविरत सेवा देणारे स्मशानजोगी व त्यांचे कुटूंबियांसोबत भाऊबीज करुन त्यांना भेटवस्तु व साडीचोळी कपडे भेट देण्यात येणार आहे.
7 नोव्हेंबरलाच बीडबाय पास फटाका मार्केट, टि व्ही सेंटर येथिल छत्रपती संभाजी महाराज मैदान , नारळीबाग, पावण गणपती मंदिर परिसर याठिकाणी शालेय विद्यार्थ्यांना प्रेरणादायी ठरणारी किल्ले बनवा स्पर्धा घेण्यात येणार आहे.14 नोव्हेंबर रोजी तापडीया नाट्य मंदिर येथे ‘ मी सावरकर बोलतोय ‘ या नाटकाच्या प्रयोगाचेही आयोजन करण्यात आले आहे.
यावेळी पत्रकार परिषदेस शिवसेना प्रवक्ते जिल्हाप्रमुख आमदार अंबादास दानवे, आमदार संजय शिरसाट, आमदार प्रदीप जैस्वाल ,माजी महापौर नंदकुमार घोडेले, उपजिल्हाप्रमुख संतोष जेजुरकर, राजू राठोड, अशोक शिंदे, शहरप्रमुख विजय वाघचौरे, बाळासाहेब थोरात, विश्वनाथ स्वामी, बाबासाहेब डांगे, विधानसभा संघटक राजू वैद्य ,माजी सभागृहनेता विकास जैन, तालुकाप्रमुख राजू वरकड, केतन काजे, महिला आघाडी संपर्क संघटक सुनीता आऊलवार, जिल्हा संघटक प्रतिभा जगताप आदींची प्रमुख उपस्थिती होती.औरंगाबाद,३०ऑक्टोबर /प्रतिनिधी:-
