वैजापूरमध्ये मोफत लसीकरणास प्रारंभ
वैजापूर ,२२ सप्टेंबर /प्रतिनिधी :-कोरोना विषाणूचा प्रादूर्भाव रोखण्यासाठी व नागरिकांच्या आरोग्य सुरक्षेच्या दृष्टिकोनातून जानकीदेवी बजाज ग्रामविकास संस्थेच्यावतीने वैजापूर-गंगापूर विधानसभा मतदारसंघात 37 हजार नागरिकांना मोफत लसीकरण करण्यात येत आहे.
आ.रमेश पाटील बोरणारे यांच्या विशेष प्रयत्नाने व मराठवाडा ग्रामीण विकास संस्था आणि भारतीय जैन संघटना यांच्या सहकार्याने ही लसीकरण मोहीम हाती घेण्यात आली आहे. ग्रामीण भागात 33 हजार लसीकरण आतापर्यंत पूर्ण झाले असून,उर्वरित 4 हजार लसीचे वैजापूर शहरासाठी नियोजन करण्यात आले आहे.
वैजापूर शहरातील लसीकरणाचा शुभारंभ नगराध्यक्ष साबेरखान यांच्याहस्ते करण्यात आले.
यावेळी शिवसेनेचे तालुकाप्रमुख सचिन वाणी, उपजिल्हाप्रमुख बाबासाहेब पाटील जगताप, शहरप्रमुख राजेंद्र साळुंके,गटविकास अधिकारी श्री.मोकाटे यांच्यासह आरोग्य अधिकारी कर्मचारी उपस्थित होते.
