औरंगाबाद पदवीधर मतदार संघ निवडणुकीसाठी प्रशासकीय यंत्रणा सज्ज

औरंगाबाद, दिनांक 29 : 05 औरंगाबाद पदवीधर मतदार पदवीधर मतदार संघाची निवडणूक 01 डिसेंबर रोजी होत असून मतमोजणी 03 डिसेंबर रोजी होणार आहे. निवडणुकीसाठी प्रशासकीय यंत्रणा सज्ज झाली असल्याचे प्रशासनाकडून कळविण्यात आलेले आहे. या निवडणुकीसाठी प्रशासनाकडून करण्यात आलेली तयारी पुढीलप्रमाणे आहे.

जिल्ह्यात एक लक्ष सहा हजार 379 मतदार आहेत. त्यामध्ये पुरूष 74959, महिला 31415 व इतर 5 आहेत. तर सर्वाधिक मतदान केंद्रे औरंगाबाद तालुक्यात 117 आहेत. सर्वात कमी मतदान केंद्रे खुलताबाद आणि सोयगाव तालुक्यात प्रत्येकी पाच आहेत. सिल्लोडमध्ये 15, कन्नड 14, फुलंब्री 6, पैठण 15, गंगापूर 14 आणि  वैजापूर 15 असे एकूण 206 मतदान केंद्रे आहेत.  मतदान प्रक्रियेसाठी एकूण 206 मतदान केंद्रांसाठी 306 वाहने उपलब्ध करून देण्यात आलेली आहेत. निवडणुकीदरम्यान विविध प्रशिक्षणाद्वारे अधिकारी, कर्मचारी यांना प्रशिक्षण देण्यात आलेले आहे. यामध्ये नोडल अधिकारी, आरोग्य नोडल अधिकारी, क्षेत्रीय अधिकारी, सुक्ष्म निरीक्षक यांचे प्रशिक्षण पार पडले असून त्याचबरोबर राजकीय पक्षांच्या प्रतिनिधींची बैठकही पार पडलेली आहे. जिल्ह्यात एकूण 181 प्राप्त टपाली मतपत्र‍िका आहेत. स्वीप कार्यक्रमांतर्गत कोरोना पार्श्वभूमी आणि राजकीय पक्षांची जागरूकता, कोरोना पार्श्वभूमी आणि मतदान केंद्र व्यवस्थापन, मतपत्र‍िकेवर पसंतीक्रमाने मतदान कसे करावे ?, कोरोना पार्श्वभूमी आणि मतदानाच्या दिवशी मतदारांनी घ्यावयाची काळजी व खबरदारी  आणि पदवीधर निवडणूक – मतमोजणी प्रक्रिया याबाबत प्रशिक्षणासह चलचित्रफीत निर्मित करण्यात आलेल्या आहेत. त्यामाध्यमातून जागृती करण्यात आलेली आहे. 

सध्या कोविड 19 आजाराचा प्रादुर्भाव लक्षात घेता तालुकानिहाय आरोग्य विभागातील अधिकारी, कर्मचारी यांची उपलब्धता आहे. यामध्ये जिल्ह्यातील एकूण 206 मतदान केंद्रांवर मतदान प्रक्रियेसाठी 104 अधिकारी, 206 कर्मचारी, जिल्हा कोविड आरोग्य केंद्र, जिल्हा कोविड रूग्णालय आणि कोविड केअर सेंटरमध्ये एकूण 99 अधिकारी आणि एकूण 80 रूग्णवाहिका उपलब्ध आहेत, असे जिल्हा प्रशासनाने कळविले आहे.

तालुकानिहाय मतदान केंद्रावर नियुक्त कर्मचारी संख्या:-

तालुका	मतदान कर्मचारी	क्षेत्रीय अधिकारी	सुक्ष्म निरीक्षक
कन्नड	56	3	14
वैजापूर	60	3	15
गंगापूर	56	3	14
सोयगाव	20	2	5
सिल्लोड	60	3	15
फुलंब्री	24	1	6
खुलताबाद	20	1	5
औरंगाबाद (ग्रामीण)	468	12	117
पैठण	60	3	15
राखीव कर्मचारी	200	14	43
एकुण	1024	45	249

कोविड अनुषंगाने जिल्हानिहाय साहित्याचे वाटप:-

जिल्हा	औरंगाबाद	जालना	परभणी	हिंगोली	नांदेड	लातूर	उस्मानाबाद	बीड	एकुण
मतदान केंद्रांची संख्या	206	74	78	39	123	88	74	131	813
सर्जिकल मास्क	41000	13000	14000	7000	21000	17000	14000	25000	152000
हॅन्डग्लोव्हज (जोडी)	2000	800	800	400	1200	900	800	1300	8200
फेसशिल्ड	2300	800	900	500	1400	1000	800	1500	9200
सॅनिटाईझर-1000 ml (बॉटल) (एका मतदारास 5 ml याप्रमाणे )	1300	425	450	250	750	550	475	800	5000
सॅनिटाईझर-50 ml (बॉटल)	2300	800	900	500	1400	1000	800	1500	9200
थर्मलगन	300	100	100	100	200	200	100	200	1300
पल्स ऑक्सीमीटर	50	40	40	40	40	40	40	40	330
Disposable Cap	4500	1600	1700	900	2700	2000	1600	2900	17900
Biomedical Waste Collection Bags	300	100	100	100	200	200	100	200	1300
साबन/लिक्वीड सोप	500	200	200	100	300	300	200	400	2200