आग्रा येथील ऐतिहासिक लाल किल्ल्यावर छत्रपती शिवाजी महाराजांची जयंती आज मोठ्या थाटामाटात साजरी होणार

आग्रा,१८ फेब्रुवारी / प्रतिनिधी :-आग्रा येथील ऐतिहासिक लाल किल्ल्यावर छत्रपती शिवाजी महाराजांची जयंती मोठ्या थाटामाटात साजरी करण्यात येणार आहे. उत्तर प्रदेशचे मुख्यमंत्री योगी आदित्यनाथ, महाराष्ट्राचे मुख्यमंत्री एकनाथजी शिंदे, छत्रपती खासदार उदयनराजे भोसले यांची प्रमुख उपस्थिती राहणार आहे.
अखंड भारताचे आदर्श, परोपकारी महान राजा, अतुलनीय धैर्यवान योद्धा छत्रपती शिवाजी महाराज यांची जयंती रविवारी (१९ फेब्रुवारी )  संध्याकाळी ६:०० वाजता लाल किल्ल्याच्या  दिवाण-ए-आममध्ये थाटामाटात साजरी करण्यात येणार आहे.औरंगजेबाच्या दरबारात शिवाजी महाराजांचा  अभिमान आणि स्वाभिमान दिसला, त्याच दिवाण-ए-आममध्ये छत्रपती शिवाजी महाराजांची जयंती साजरी होणार आहे .उत्तर प्रदेशचे मुख्यमंत्री योगी आदित्यनाथ, महाराष्ट्राचे मुख्यमंत्री एकनाथ शिंदे, छत्रपती खासदार उदयनराजे भोसले  हे शिवजयंती सोहळ्याचे प्रमुख पाहुणे असतील.अजिंक्य देवगिरी प्रतिष्ठान या शिवजयंती सोहळ्याचे आयोजक आहे.महाराष्ट्र शासन या जयंती सोहळ्याचे सहआयोजक आहे.छत्रपती शिवाजी महाराजांच्या जीवनातील आग्र्याहून औरंगजेबाकडे पलायन निर्गमन हा एक महत्त्वाचा अध्याय आहे.शिवाजी महाराजांचा स्वाभिमान, अतुलनीय धैर्य, युद्धकौशल्य या सर्वांचे उदाहरण आहे.त्याच इतिहासाचे स्मरण करण्यासाठी आग्रा येथे शिवजयंती साजरी करण्याचा ठराव घेण्यात आला आहे.

अजिंक्य देवगिरी प्रतिष्ठानचे अध्यक्ष विनोद पाटील म्हणाले,”छत्रपती शिवराय हे संपूर्ण देशाचे आदर्श आहेत. त्यांचे कार्य आणि त्यांचे कर्तृत्व नव्या पिढीसमोर ठेवण्यासाठी 
शिवजयंतीचे आयोजन करण्यात आले आहे,शिवाजी महाराजांचा संदेश संपूर्ण भारतापर्यंत पोहोचवण्याचा आमचा प्रयत्न आहे.छत्रपती शिवाजी महाराज हे निर्भय,स्वाभिमानी,अखंड विवेकवादी राजा होते.त्यांची विचारसरणी पुरोगामी होती.त्यांच्या  स्वराज्यात स्त्रिया आणि शेतकरी वर्गाची विशेष काळजी घेतली जायची.त्यांची  तलवार अन्याय आणि अत्याचाराविरुद्ध लढायची.आग्र्याच्या लाल किल्ल्यावर शिवाजी महाराजांनी  औरंगजेबाला आव्हान दिले होते.त्या शौर्याचे स्मरण करण्यासाठी आग्रा येथे शिवजयंती आयोजित केली आहे.

आग्रा आणि छत्रपती शिवाजी महाराज यांच्यातील संबंधांची आठवण करून देताना विनोद पाटील पुढे म्हणाले,”छत्रपती शिवाजी महाराजांचे आग्रा येथील जनतेशी प्रेमळ नाते होते. आग्राच्या जनतेने छत्रपती शिवरायांना स्वराज्यात परत येण्यास मदत केली. आग्रा येथील जनतेचे आम्ही कृतज्ञता व्यक्त करतो.”

केंद्रीय  रेल्वे राज्यमंत्री रावसाहेब दानवे, महाराष्ट्राचे वन, सांस्कृतिक कार्य आणि मत्स्यव्यवसाय मंत्री सुधीर मुनगंटीवार, शालेय शिक्षण आणि मराठी भाषा मंत्री दीपक केसरकर, छत्रपती संभाजीनगरचे पालकमंत्री संदीपान भुमरे, उत्तर प्रदेशचे माहिती तंत्रज्ञान आणि इलेक्ट्रॉनिक्स मंत्री योगेंद्र उपाध्याय व इतर मान्यवर या शिवजयंती सोहळ्यात सहभागी होणार आहेत. 
आग्रा किल्ल्यातील दिवाण-ए-आममध्ये मोठ्या थाटामाटात साजऱ्या होणाऱ्या या शिवजयंती सोहळ्याची रूपरेषा पुढीलप्रमाणे : 

सायंकाळी ६:०० वाजता स्वागत गीत प्रसिद्ध गायक नितीन सरकटे, वैशाली माडे आणि डॉ. हंसराज.

अजिंक्य देवगिरी प्रतिष्ठानचे अध्यक्ष विनोद पाटील पाहुण्यांचे स्वागत करतील.स्वागत व दीपप्रज्वलन करतील.

त्यानंतर १५ गायक वादक संच छत्रपती शिवाजी महाराजांचा पोवाडा सादर करतील.त्यानंतर महाराजा शंभू छत्रपती प्रॉडक्शन’ हे गीत सादर करतील. 

छत्रपती शिवाजी महाराजांच्या जयंतीनिमित्त पाळणा हे गीत सादर केले जाईल.  ‘गर्जा महाराष्ट्र माझा’ हे राज्यगीत सादर होणार आहे.महाराष्ट्र सरकारने या गीतास राज्य गीताचा दर्जा दिला आहे.  छत्रपती शिवरायांच्या जीवनावरील वाळूचे शिल्पही इंडियाज गॉट टॅलेंट कलाकार सर्वम पटेल सादर करणार आहेत.

छत्रपती शिवाजी महाराजांच्या जीवनातील महत्त्वाच्या प्रसंगांचे नाट्यीकरण देखील या कार्यक्रमाचे वैशिष्ट्य असेल.छत्रपती शिवाजी महाराजांच्या कालखंडाचे वर्णन करणारे भव्य नाटक ७० सदस्यीय मंडळ सादर करणार आहे.त्याचे सादरीकरण दिग्दर्शक,लेखक आणि डॉ. महाराजा शंभू छत्रपती प्रॉडक्शन, पुणे यांच्या बॅनरखाली निर्माते महेंद्र वसंतराव महाडिक. महाराजांच्या भूमिकेत छत्रपती शिवाजी शंतनू मोघे, औरंगजेबाच्या भूमिकेत डॉ गिरीश ओक, मोरोपंतांच्या भूमिकेत महेश कोकाटे,
मिर्झाराज जयसिंगच्या भूमिकेत अमित देशमुख हे अभिनय करणार आहेत. 

त्यांना विविध मान्यवर पाहुण्यांचे मार्गदर्शन लाभणार असून दीपोत्सव, डिजिटल फटाक्यांची आतषबाजी आणि छत्रपती शिवाजी महाराजांचा जय जय कार असा भव्य सांस्कृतिक कार्यक्रम सादर होणार आहे.मानसी सोनटक्के या संपूर्ण शिवजयंती सोहळ्याचे  सूत्रसंचालन करणार आहेत.

आग्रा किल्ल्यावर होणाऱ्या या सोहळ्यात फेसबुक, ट्विटर, इन्स्टाग्राम, यूट्यूबच्या माध्यमातून एक कोटीहून अधिक शिवप्रेमी डिजिटल पद्धतीने सामील होतील.
सोशल मीडियावर या शिवजयंती सोहळ्याचे थेट प्रक्षेपण होणार आहे.तसेच विविध वृत्तवाहिन्यांवरही तो दाखविला जाणार आहे.आग्रा किल्ल्याबाहेर आणि महाराष्ट्रातील विविध शहरांमध्ये मोठे एलईडी स्क्रीन लावून हा कार्यक्रम प्रसारित केला जाणार आहे.याचे आयोजन अजिंक्य देवगिरी फाउंडेशन केले आहे.