‘जलयुक्त’ला सरकारची क्लिनचिट नाहीच-जलसंपदा मंत्री जयंत पाटील
मुंबई ,२७ ऑक्टोबर /प्रतिनिधी:- काल दि. 26 ऑक्टोबर, 2021 रोजी मृद व जलसंधारण विभागाच्या अपर मुख्य सचिवांची लोक लेखा समितीसमोर साक्ष होती. त्यावेळी जलसंधारण सचिवांनी सादर केलेल्या माहितीच्या आधारे सदर बातमी प्रसृत करण्यात आलेली आहे. परंतु, CAG ने उपस्थित केलेल्या मुद्दयांवर विभागाच्या सचिवांनी आपली साक्ष नोंदविलेली आहे व ही आकडेवारी योजनेची अंमलबजावणी करणा-या यंत्रणेने स्वतः दिलेली आहे.
या अभियानाची सविस्तर चौकशी करण्यासाठी शासनाने SIT नेमलेली होती. त्याप्रमाणे सुमारे 71% कामांमध्ये आर्थिक व प्रशासकीय अनियमितता झाल्याचे स्पष्ट झालेले आहे. सदर SIT च्या अहवालाप्रमाणे शासनाने सर्व जिल्हाधिकाऱ्यांना चौकशीचे आदेश यापूर्वीच दिलेले आहेत. जिल्हाधिकाऱ्यांनी SIT च्या निकषाप्रमाणे चौकशी अहवाल सादर केलेला नाही. ही सर्व चौकशी चालू असताना शासनाने जलयुक्त शिवार अभियानाला क्लिनचिट देण्याचा प्रश्नच उद्भवत नाही.
जलयुक्त शिवार योजना प्रकरणी कोणतीही क्लिन चीट देण्यात आलेली नाही. भाजपने कोणत्याही क्लिन चीट अभावी अशाप्रकारे आनंद व्यक्त करण्याची गरज नाही. या प्रकरणाची अजून चौकशी पूर्ण झालेली नाही. चौकशीत जे निष्पन्न होईल, त्यावर नंतर बोलणे योग्य होईल, अशी प्रतिक्रिया जलसंपदा मंत्री जयंत पाटील यांनी माध्यमांसमोर व्यक्त केली.
