हिंगोलीत नवीन 03 रुग्ण तर 10 जण कोरोनामुक्त
जिल्ह्यात 25 कोरोना बाधीत रुग्ण
हिंगोली, दि.04: कळमनुरी येथील कोरोना केअर सेंटरमध्ये भरती असलेल्या 08 व हिंगोली येथील सामान्य रुग्णालयाच्या आयसोलेशन वार्डमध्ये भरती असलेल्या 02 असे एकूण 10 कोविड-19 रुग्ण बरे झाल्याने त्यांना आज डिस्चार्ज देण्यात आला. तर सेनगाव तालुक्यातील क्वारंटाईन सेंटर चौंडी खुर्द येथील 17 वर्षीय युवक तसेच वसमत तालुक्यातील क्वारंटाईन सेंटर हयातनगर येथील 02 व्यक्तींना कोविड-19 ची लागन झाल्याचा अहवाल प्राप्त झाला आहे.
आजपर्यंत हिंगोली जिल्ह्यात एकुण 186 व्यक्तींना कोविड-19 ची लागण झाल्याचे अहवालातून स्पष्ट झाले आहे. त्यापैकी 161 रूग्ण बरे झाले असून त्यांना डिस्चार्ज देण्यात आला आहे. तर सद्यस्थितीत जिल्ह्यात 25 कोरोना बाधीत रुग्ण असून या सर्व रुग्णांवर तज्ज्ञग डॉक्टरांमार्फत औषधोपचार करण्यात येत आहेत. या सर्वांची प्रकृती स्थिर असून, त्यांना कुठल्याही प्रकारची गंभीर लक्षणे सद्यस्थितीत नाहीत.नागरिकांनी घराबाहेर पडू नये. तसेच घरी थांबून आपले आणि आपल्या कुटूंबाच्या आरोग्याची काळजी घेवून जिल्हा प्रशासनास सहकार्य करावे, असे आवाहन जिल्हा प्रशासनामार्फत करण्यात आले आहे.
