एकनाथ शिंदे- देवेंद्र फडणवीस सरकारचा लवकरच होणार विस्तार
१० महिन्यांतील कामगिरी पाहून दोन्ही पक्षांतील काही मंत्र्यांचा होऊ शकतो खांदेपालट
मुंबई, १२ मे/प्रतिनिधीः- सर्वोच्च न्यायालयाने गुरुवारी दिलेल्या निवाड्यामुळे अनिश्चिततेच्या वातावरणातून बाहेर पडलेल्या एकनाथ शिंदे- देवेंद्र फडणवीस सरकारचा लवकरच विस्तार वजा खांदेपालट होणार आहे.
या विस्तार वजा खांदेपालटाची बऱ्याच दिवसांपासून प्रतीक्षा असून तो लवकरच होईल, असे पक्षाच्या नेत्यांनी शुक्रवारी येथे सूचित केले. हा विस्तार वजा खांदेपालट आगामी महापालिका आणि २०२४ मध्ये राज्यात होणाऱ्या विधानसभा निवडणुकीसाठी खूप महत्वाचा असेल.
महाविकास आघाडीचे उद्धव ठाकरे यांच्या नेतृत्वाखालील सरकार खाली खेचल्यानंतर एकनाथ शिंदे हे ३० जून, २०२२ रोजी मुख्यमंत्री तर भाजपचे देवेंद्र फडणवीस हे उप मुख्यमंत्री बनले. तत्पूर्वी, शिंदे-फडणवीस यांनी ४० दिवस सरकारचा कारभार हाकला. त्यानंतर ९ ऑगस्ट, २०२२ रोजी १८ जणांचा कॅबिनेट मंत्री म्हणून मंत्रिमंडळात समावेश झाला. आता २० मंत्र्यांना सोबत घेऊन शिंदे १० महिन्यांपासून कारभार करीत आहेत. बहुतेक मंत्र्यांकडे एकापेक्षा जास्त खाती आहेत. दोन्ही पक्षांनी सत्तेत ५०-५० टक्के वाटा घेतला आहे.
शिवसेना आणि भाजपमधील अनेक नेत्यांची नाराजी निर्माण झाली कारण अनेक वरिष्ठ मंत्री मंत्रिमंडळाबाहेर पडलेले होते. याशिवाय शिंदे सरकारला आधार दिलेले दहापेक्षा जास्त अपक्ष व इतर लहान पक्षांच्या आमदारांचेही दडपण होते.
राज्य विधानसभा हे २८८ सदस्यांची असून जास्तीतजास्त ४३ जणांना मंत्रीपद मिळू शकते. सध्या ही संख्या २० आहे. मंत्रिमंडळात एकही महिला नसल्याची व अपुरे विभागीय प्रतिनिधित्व व इतर विषयांवरून टीका सरकारवर झालेली आहे. आगामी विस्तार वजा खांदेपालटात या टीकेला उत्तर दिले जाऊ शकते. विभाग आणि जातिंचा असमतोल दूर करायचा आहे. सध्याच्या मंत्रिमंडळातील दोन्ही पक्षांच्या काही मंत्र्यांचा त्यांची १० महिन्यांतील कामगिरी पाहून खांदेपालट होऊ शकतो.
अनेक सरकारी वजा महामंडळांचे जवळपास वर्षभरापासून रिक्त असलेले अध्यक्षपद या विस्तार वजा खांदेपालटानंतर भरले जाण्याची अपेक्षा आहे. राज्य विधिमंडळाचे पावसाळी अधिवेशन सामान्यतः जुलै महिन्यात असते. त्या आधी हा विस्तार वजा खांदेपालट होईल, असे संकेत आहेत.
