नांदेड जिल्ह्यात 312 बाधितांची भर तर आठ जणांचा मृत्यू

नांदेड दि. 1 :- मंगळवार 1 सप्टेंबर 2020 रोजी सायं. 5.30 वाजेपर्यंतच्या कोरोना अहवालानुसार जिल्ह्यात 104 कोरोना बाधित व्यक्तींमध्ये सुधारणा झाल्यामुळे त्यांना रुग्णालयातून सुट्टी देण्यात आली आहे. याचबरोबर 312 व्यक्तींचे अहवाल बाधित आले आहेत. यात आरटीपीसीआर तपासणीद्वारे 88 तर ॲटिजेन किट्स तपासणीद्वारे 224 बाधित आले.आजच्या एकुण 1 हजार 257 अहवालापैकी 877 अहवाल निगेटिव्ह आले. जिल्ह्यात एकुण बाधितांची संख्या आता 7 हजार 27 एवढी झाली असून यातील 4 हजार 662 बाधिताना औषधोपचारानंतर सुट्टी देण्यात आली आहे. त्यामुळे उपचारानंतर घरी सोडण्यात आलेल्या बाधित रुग्णांचे प्रमाण 71 टक्के एवढे झाले आहे. एकुण 2 हजार 80 बाधितांवर रुग्णालयात औषधोपचार सुरु असून त्यातील 244 बाधितांची प्रकृती गंभीर स्वरुपाची आहे.

सोमवार 31 ऑगस्ट रोजी कलालगल्ली नांदेड येथील 52 वर्षाच्या एका पुरुषाचा, पिरबुऱ्हानगर नांदेड येथील 68 वर्षाच्या एका पुरुषाचा, भोकर येथील 63 वर्षाच्या एका पुरुषाचा, देगलूरनाका येथील 54 वर्षाच्या एका पुरुषाचा शासकीय वैद्यकिय महाविद्यालय विष्णुपुरी नांदेड येथे, हदगाव नांदेड येथील 65 वर्षाच्या एका महिलेचा खाजगी रुग्णालयात तर मंगळवार 1 सप्टेंबर रोजी सिडको नांदेड येथील 53 वर्षाच्या एका पुरुषाचा शासकीय वैद्यकिय महाविद्यालय विष्णुपुरी नांदेड येथे, गाडीपुरा नांदेड येथील 85 वर्षाच्या एका पुरुषाचा जिल्हा रुग्णालय कोविड हॉस्पिटल येथे, गोकुंदा वैशालीनगर किनवट येथील 59 वर्षाच्या एका महिलेचा किनवट कोविड केअर सेंटर येथे उपचारा दरम्यान मृत्यू झाला आहे.

आज बरे झालेल्या एकूण 104 बाधित व्यक्तींना औषधोपचारानंतर सुट्टी देण्यात आली आहे.आजच्या बाधितांमध्ये आरटीपीसीआर तपासणीद्वारे एकुण 88 बाधित आढळले.अँटिजेन तपासणीद्वारे एकुण 224 बाधित आढळले.जिल्ह्यात 2 हजार 80 बाधितांवर औषधोपचार सुरु आहेत.

जिल्ह्याची कोरोना संशयित व कोविड बाधितांची संक्षिप्त माहितीसर्वेक्षण- 1 लाख 51 हजार 994,घेतलेले स्वॅब- 48 हजार 459,निगेटिव्ह स्वॅब- 39 हजार 537,आज पॉझिटिव्ह स्वॅब संख्या- 312,एकुण पॉझिटिव्ह बाधित व्यक्ती- 7 हजार 27,आज स्वॅब तपासणी अनिर्णीत संख्या-19,आज स्वॅब नाकारण्यात आलेली संख्या- 6,एकूण मृत्यू संख्या- 237,एकूण रुग्णालयातून सुट्टी दिलेली संख्या- 4 हजार 662,रुग्णालयात उपचार घेत असलेले बाधित व्यक्ती- 2 हजार 80,आज प्रलंबित स्वॅब तपासणी संख्या- 258, आज रोजी गंभीर प्रकृती असलेले बाधित- 244. कोरोना संदर्भात जनतेने अफवांवर विश्वास ठेवू नये तसेच मनात कुठल्याही प्रकारची भिती न बाळगता अत्यावश्यक कामाशिवाय घराबाहेर पडू नये. आपल्या मोबाईलवर आरोग्य सेतू ॲप डाऊनलोड करुन घ्यावा जेणे करुन आपल्या सभोवती कोरोना बाधित रुग्ण असल्यास आपणास हे ॲप सतर्क करेल, असे आवाहन जिल्हा शल्यचिकित्सक डॉ. निळकंठ भोसीकर यांनी केले आहे.