शिवराज राक्षेला महाराष्ट्र केसरीची गदा

पुणे : शिवराज राक्षेने एकहाती विजय मिळवत महाराष्ट्र केसरी २०२३ होण्याचा मान मिळवला आहे.पुण्यात रंगलेल्या ६५व्या महाराष्ट्र केसरी कुस्ती स्पर्धेत पुण्याचा पैलवान शिवराज राक्षे याने विजय मिळवत महाराष्ट्र केसरी २०२३ होण्याचा मान पटकावला आहे. अंतिम सामन्यात शिवराजने सोलापूरच्या महेंद्र गायकवाड याला काही मिनिटातच थेट चितपट करत विजय मिळवला. तर महेंद्र गायकवाड उपमहाराष्ट्र केसरी ठरला आहे.

यंदाचा महाराष्ट्र केसरीचा खिताब नांदेडच्या शिवराज राक्षे याने पटकावलाय. महाराष्ट्र केसरी 2023 च्या अंतिम लढतीत शिवराजने सोलापूरच्या महेंद्र गाडकवाड याचा अवघ्या 55 सेकंदात पराभव केला आणि महाराष्ट्र केसरीच्या मानाच्या खिताबर नाव कोरलं.  

शिवराज राक्षे हा पुणे जिल्ह्यातील राजगुरुनगर येथील राक्षेवाडीचा आहे. तो आंतरराष्ट्रीय क्रीडा संकुल कात्रज येथे वस्ताद काका पवार आणि गोविंद पवार यांच्याकडे सराव करतो. तर उपमहाराष्ट्र केसरी महेंद्र गायकवाड हा मूळचा सोलापूर जिल्ह्यातील मंगळवेढा तालुक्यामधील शिरसीचा आहे. तो देखील आंतरराष्ट्रीय क्रीडा संकुल कात्रज येथे वस्ताद  काका पवार आणि गोविंद पवार यांच्याकडेच सराव करतो. एकाच तालमीतील मल्लांमध्ये महाराष्ट्र केसरीसाठी लढत झाली. यात शिवराजने विजय मिळवलाय. 

शिवराज राक्षेने गादी विभागात महाराष्ट्र केसरीच्या अंतिम फेरीत प्रवेश केला आहे. त्याने पहिल्या फेरीत उस्मानाबादच्या धीरज बारस्करला 10-0 असे एकतर्फी, दुसऱ्या फेरीत साताऱ्याच्या तुषार ठोंबरेला 10-0 असे एकतर्फी तर तिसऱ्या फेरीत औरंगाबादच्या पांडुरंग मोहारेला पराभूत करून उपांत्यपूर्व फेरीत प्रवेश केला. या फेरीत शिवराजने पुण्याच्या हर्षद कोकाटेला पराभूत करताना गादी विभागातून उपांत्य फेरीत प्रवेश केला. उपांत्य फेरीत हिंगोलीच्या गणेश जगतापवर 10-0 अशी मात करत अंतिम फेरीत प्रवेश केला.     

शिवराज हा पुण्यातील खेड तालुक्यातील असला तरी तो सध्या नांदेड जिल्ह्याचे प्रतिनिधीत्व करतो. त्याने कनिष्ठ गटात आंतरराष्ट्रीय स्पर्धेत भारताचे प्रतिनिधीत्व केले आहे. तो महाराष्ट्रातील आघाडीचा मल्ल आहे. खांद्याच्या दुखापतीमुळे त्याने गतवेळच्या महाराष्ट्र केसरीमधून माघार घेतली होती. गेल्यावेळी देखील महाराष्ट्र केसरीच्या संभाव्य विजेत्यांमध्ये तो गणला जात होता. दुखापतीवर मात करून यंदाचा महाराष्ट्र केसरीचा खिताब मिळवायचाच या निर्धाराने तो मैदानात उतला होता. अखेर महाराष्ट्र केसरी होण्याचे त्याचे स्वप्न यंदा पूर्ण झाले.

शिवराज याचे वडील शेती करतात. शेतीसोबत दुधाजा जोड व्यवसाय आहे. वडील, आई आणि भाऊ यांच्यासोबत शिवराज खेडमध्ये राहतो. शिवराजला आजोबापासून कुस्तीचा वारसा आहे. आजोबा आणि वडील दोघे पैलवान होते. त्यांचाच वारसा शिवराज याने पुढे चालवत आज महाराष्ट्र केसरी खिताबावर आपलं नाव कोरलंय. यासाठी खूप मेहनत घेतल्याचे शिवराज सांगतो.