वसतिगृहातील विद्यार्थिनींचा अंघोळ करतानाचा व्हिडिओ व्हायरल, ८ जणींचा आत्महत्येचा प्रयत्न

चंदीगड : पंजाबच्या मोहालीतील एका विद्यापीठात रात्री उशिरा परिस्थिती अनियंत्रित झाली होती. एका विद्यार्थिनीने आंघोळ करताना इतर विद्यार्थिनींचा व्हिडिओ बनवला आणि तो इंटरनेटवर जोरदार व्हायरल झाला. हा व्हिडिओ समोर आल्यानंतर वसतिगृहातील ८ विद्यार्थिनींनी आत्महत्येचा प्रयत्न केला. यातील एका विद्यार्थिनीची प्रकृती गंभीर असल्याचे सांगण्यात येत आहे.दरम्यान या प्रकरणी आरोपी तरूणीच्या बॉयफ्रेडला, जो या प्रकरणात मुख्य आरोपी आहे, त्याला शिमला येथून अटक केली आहे. आरोपी तरुणी त्याला व्हिडिओ पाठवायची आणि तो सोशल मीडियावर अपलोड करायचा. या प्रकरणात अधिक तपास सुरु आहे. 

Image

पोलीस सध्या या प्रकरणाचा तपास करत आहेत. विद्यापीठाच्या गेट क्रमांक २ वर विद्यार्थ्यांनी गोंधळ घातला असून शेकडो विद्यार्थी येथे जमून जोरदार घोषणाबाजी करत आहेत. दरम्यान, पोलिस आल्यानंतर व कारवाईचे आश्वासन मिळाल्यानंतर विद्यार्थिनी शांत झाल्या. सूत्रांनी दिलेल्या माहितीनुसार, आत्महत्या केलेल्या विद्यार्थिनींपैकी एका विद्यार्थिनीची प्रकृती चिंताजनक आहे.

विद्यापीठासमोर रात्री विद्यार्थिनींनी प्रचंड गोंधळ घातलाय. सध्या आरोपी विद्यार्थिनीची ओळख पटली असून वसतिगृहात विद्यापीठ प्रशासनानं इतर विद्यार्थिनींसमोर तिची चौकशी केली. विद्यापीठ प्रशासनाच्या चौकशीत विद्यार्थिनीनं सांगितलं की, ती बऱ्याच दिवसांपासून विद्यार्थिनींचे व्हिडिओ बनवत होती. ज्या मुलाला ती हे व्हिडिओ पाठवत होती तो शिमलाचा ​​रहिवासी आहे. दरम्यान, ६० विद्यार्थिनींचे एमएमएस बनवून इंटरनेटवर अपलोड करण्यात आले.

पंजाबमधील चंदीगड विद्यापीठातील विद्यार्थिनींचे खासगी व्हिडीओ लीक झाल्याची घटना घडली आहे. या घटनेनंतर एकच खळबळ उडाली आहे. या घटनेनंतर विद्यापीठातील विद्यार्थिनींनी आंदोलनाचा पवित्रा घेतला असून या प्रकरणातील दोषींवर कठोर शिक्षा करावी अशी मागणी केली जात आहे. विद्यापीठातील वसतीगृहात राहणाऱ्या एका विद्यार्थिनीनेच हे व्हिडीओ लीक केल्याचा आरोप करण्यात आला आहे. या आरोपानंतर पोलिसांनी संबंधित विद्यार्थीनीला अटक केली आहे. मात्र, या प्रकरणी चंदीगढ विद्यापीठाने नवा खुलासा केला आहे. आरोपी विद्यार्थीनीने आपले खासगी व्हिडिओ बायफ्रेंडला पाठवले होते. इतर मुलींचे नाही, असा दावा विद्यापीठाने केला आहे. विद्यापीठाचे प्रभारी कुलगुरु आर. एस बावा यांनी याबाबत अधिकृत निवेदनही जारी केलं आहे.