नांदेड जिल्ह्यात 56 बाधितांची भर, कोरोनातून आज 19 व्यक्ती बरे तर चोघांचा मृत्यू

नांदेड , दि. 22 :- जिल्ह्यात आज 22 जुलै रोजी सायं. 6 वाजेपर्यंतच्या अहवालानुसार 56 व्यक्तींचे अहवाल बाधित आले. आज 19 व्यक्ती बरे झाल्यामुळे त्यांना रुग्णालयातून सुट्टी देण्यात आली आहे. आजच्या एकूण 249 अहवालापैकी 190 अहवाल निगेटिव्ह आले. जिल्ह्यात एकुण बाधितांची संख्या आता 1 हजार 74 एवढी झाली असून यातील 574 एवढे बाधित बरे झाल्याने त्यांना सुट्टी देण्यात आली आहे. 443 बाधितांवर औषधोपचार सुरु असून त्यातील 36 बाधितांची संख्या गंभीर स्वरुपाची आहे. यात 13 महिला व 23 पुरुषांचा समावेश आहे.

सोमवार 21 जुलै रोजी हडको नांदेड येथील 62 वर्षाचा एका पुरुषाचा, लोहा तालुक्यातील माळाकोळी येथील 63 वर्षीय एका महिलेचा, मुखेड तालुक्यातील अंबुलगा येथील 80 वर्षाचा एका पुरुषाचा तसेच लोहा येथील 80 वर्षाच्या एका पुरुषाचा उपचारा दरम्यान मृत्यू झाला आहे. या बाधितांवर शासकिय वैद्यकिय महाविद्यालय विष्णुपुरी नांदेड येथे उपचार सुरु होते. आतापर्यंत जिल्ह्यात कोरोनामुळे बाधित मृत्त व्यक्तींची संख्या 48 एवढी झाली आहे.

आज बरे झालेल्या 19 बाधितांमध्ये मुखेड कोविड केअर सेंटर येथील 4, डॉ. शंकरराव चव्हाण शासकिय वैद्यकिय महाविद्यालय विष्णुपुरी येथील 6, देगलूर कोविड केअर सेंटर येथील 1, पंजाब भवन कोविड केअर सेंटर येथील 3, खाजगी रुग्णालयातील 2 बाधित तसेच औरंगाबाद येथील संदर्भीत झालेले 3 बाधितांचा यात समावेश आहे. आतापर्यंत एकुण 574 बाधित व्यक्तींना बरे झाल्याने सुट्टी देण्यात आली आहे.

जिल्ह्यात 443 बाधितांवर औषधोपचार सुरु आहेत. त्यांना डॉ. शंकरराव चव्हाण शासकीय वैद्यकीय महाविद्यालय विष्णुपुरी नांदेड येथे 87, पंजाब भवन कोविड केअर सेंटर येथे 144, नायगाव कोविड केअर सेंटर येथे 19, जिल्हा रुग्णालय येथे 31, बिलोली कोविड केअर सेंटर येथे 10, मुखेड कोविड केअर सेंटर येथे 49, देगलूर कोविड केअर सेंटर येथे 33, माहूर कोविड केअर सेंटर 1, गोकुंदा कोविड केअर सेंटर येथे 3, लोहा कोविड केअर सेंटर येथे 12, कंधार कोविड केअर सेंटर येथे 7, धर्माबाद कोविड केअर सेंटर येथे 3, भोकर कोविड केअर सेंटर येथे 1, खाजगी रुग्णालयात 38 बाधित व्यक्ती उपचार घेत असून 3 बाधित औरंगाबाद येथे, निजामाबाद येथे 1 बाधित तर मुंबई येथे 1 बाधित संदर्भित झाले आहेत.

जिल्ह्याची कोरोना संशयित व कोविड बाधितांची संक्षिप्त माहिती
सर्वेक्षण- 1 लाख 48 हजार 356,
घेतलेले स्वॅब- 10 हजार 936,
निगेटिव्ह स्वॅब- 8 हजार 786,
आज पॉझिटिव्ह स्वॅब संख्या- 56
एकुण पॉझिटिव्ह बाधित व्यक्ती- 1 हजार 74,
आज स्वॅब तपासणी अनिर्णीत संख्या- 3,
आज स्वॅब नाकारण्यात आलेली संख्या- निरंक,
मृत्यू संख्या- 48,
रुग्णालयातून सुट्टी दिलेली संख्या- 574,
रुग्णालयात उपचार घेत असलेले बाधित व्यक्ती- 443,
आज प्रलंबित स्वॅब तपासणी संख्या- 328.

प्रलंबित स्वॅब तपासणीसाठी पाठविण्यात आलेले अहवाल उद्या सायंकाळ पर्यंत प्राप्त होतील. कोरोना संदर्भात जनतेने अफवांवर विश्वास ठेवू नये तसेच मनात कुठल्याही प्रकारची भिती न बाळगता अत्यावश्यक कामाशिवाय घराबाहेर पडू नये. आपल्या मोबाईलवर आरोग्य सेतू ॲप डाऊनलोड करुन घ्यावा जेणे करुन आपल्या सभोवती कोरोना बाधित रुग्ण असल्यास आपणास हे ॲप सतर्क करेल, असे आवाहन जिल्हा शल्यचिकित्सक डॉ. निळकंठ भोसीकर यांनी केले आहे.

Leave a Reply

Your email address will not be published. Required fields are marked *