अन्नधान्याच्या साठेबाजारावर नियंत्रण आणावे-अपर जिल्हाधिकारी डॉ. अनंत गव्हाणे
औरंगाबाद,२५ फेब्रुवारी / प्रतिनिधी :-पुरवठा विभागाने नागरिकांना मुबलक प्रमाणात अन्नधान्य व जीवनावश्यक वस्तूंचा पुरवठा सुरळीत करण्यासाठी साठेबाजी होणार नाही याची दक्षता घ्यावी. तसेच अनधिकृत बायोडिझेल निर्मिती विक्री करण्याऱ्यांवर महसूल व पोलिस प्रशासनानी कारवाई करावी असे निर्देश अपर जिल्हाधिकारी डॉ. अनंत गव्हाणे यांनी जिल्हा ग्राहक संरक्षण परिषदेच्या आढावा बैठकीत जिल्हाधिकारी कार्यालयातील बैठकीत दिले.
या बैठकीत जिल्हा पुरवठा अधिकारी अप्पासाहेब शिंदे, सहायक पोलीस आयुक्त बालाजी सोनटक्के, जिल्हा उपनिबंधक सहकारी संस्थाचे अनिलकुमार दाबशेडे, कृषी उत्तन्न बाजार समितीचे एस.एस. बनसोडे व पोलिस उपअधिक्षक प्रकाश चौगुले, तसेच सामितीचे इतर अशासकीय सदस्य उपस्थित होते.
जिल्ह्यात सर्वसामान्य नागरिकांना अन्नधान्य, पेट्रोल व तसेच जीवनावश्यक वस्तूचा पुरवठा सुरळीत व रास्त भावात उपलब्ध व्हावा यासाठी खाजगी वखारात होणारा अनाधिकृत अन्नधान्य साठा बाबत विभागाच्या अधिकांऱ्यानी तपासणी करावी व साठेबाजी होणार नाही याबाबत दक्षता घ्यावी.
त्याचप्रमाणे तृतीयपंथीय व वेश्या व्यवसायातील महिलांसाठी शिधापत्रिका उपलब्ध करुन देण्याबाबतची कार्यवाही करावी . वंचित व गरजू व्यक्तीना लाभ मिळावा यासाठी सर्व रास्त भाव दुकानदार यांच्या मार्फत समाजातील दिव्यांगांना व अनाथ तृतीयपंथीय यांना अन्न धान्य मिळणासाठी शिधापत्रिका वाटप करावे यासाठी विशेष मेळावा उपक्रमातून संबंधिताना लाभ मिळवून देण्याचे निर्देश डॉ. गव्हाणे यांनी दिेले.
