नांदेड जिल्ह्यात कोरोनाचे 2 मृत्यू ,कोरोनातून 3 व्यक्ती बरे तर 11 बाधित

नांदेड दि. 11 :- कोरोनाचे जिल्ह्यातील 3 बाधित व्यक्ती आज बरे झाले असून नवीन 11 बाधित व्यक्तींची वाढ झाली आहे. आज भोकर तालुक्यातील तेलीगल्ली गांधी चौक येथील 33 वर्षाची 1 बाधित महिला व नांदेड तालुक्यातील बळीरामपूर येथील 28 वर्षाच्या एका पुरुषाचा शासकिय वैद्यकिय महाविद्यालय विष्णुपुरी नांदेड येथे उपचार सुरु असतांना मृत्यू झाला. या बाधितास उच्च रक्तदाब, श्वसनास त्रास आणि मधुमेह इत्यादी आजार होते.

शनिवार 11 जुलै रोजी प्राप्त झालेल्या एकुण 104 अहवालापैकी 79 निगेटिव्ह तर 11 व्यक्ती बाधित आढळल्यामुळे जिल्ह्यातील बाधितांची संख्या एकुण 569 एवढी झाली आहे. आतापर्यंत 361 व्यक्ती बरे झाले असल्याने त्यांना रुग्णालयातून सुट्टी देण्यात आली आहे. रुग्णालयात एकुण 181 बाधितांवर औषधोपचार सुरु आहेत. औषधोपचारास प्रतिसाद न दिल्यामुळे एकुण 27 बाधित व्यक्तींचा मृत्यू झाला आहे.

शनिवार 11 जुलै रोजी पंजाब भवन कोविड केअर सेंटर येथील 1, बिलोली कोविड केअर सेंटर येथील 2 बाधित असे एकुण 3 बाधित व्यक्ती बरे झाल्यामुळे त्यांना रुग्णालयातून सुट्टी देण्यात आली आहे. नवीन बाधितांमध्ये वजिराबाद नांदेड येथील 64 वर्षाचा 1 पुरुष, वाल्मिकीनगर येथील 44 वर्षाचा 1 पुरुष, नांदेड बळीरामपूर दुधडेअरी येथील 28 वर्षाचा 1 पुरुष, नांदेड टायरबोल्ड येथील 32 वर्षाचा 1 पुरुष, भोकर येथील 33 वर्षाची 1 महिला, मुदखेड बाझार मोहल्ला येथील 40 वर्षाचा 1 पुरुष, मुदखेड नगरपालिका परिसर येथील 45 व 30 वर्षाच्या 2 महिला, बिलोली तालुक्यातील नागणी येथील 30 वर्षाचा 1 पुरुष, कुंडलवाडी येथील 26 वर्षाचा 1 पुरुष, देगलूर तालुक्यातील भायेगाव येथील 36 वर्षाचा एका पुरुषाचा यात समावेश आहे. या 11 बाधित व्यक्तींचा अहवाल शुक्रवार 10 जुलै रोजी उशिरा प्राप्त झाला आहे.

आज 181 पॉझिटिव्ह बाधित व्यक्तींवर औषधोपचार सुरु असून त्यातील 16 बाधितांची त्यात 9 महिला आणि 7 पुरुष बाधित व्यक्तींची प्रकृती गंभीर स्वरुपाची आहे.

औषधोपचार सुरु असलेल्या 181 बाधित व्यक्तींना डॉ. शंकरराव चव्हाण शासकीय वैद्यकीय महाविद्यालय विष्णुपुरी नांदेड येथे 58, पंजाब भवन कोविड केअर सेंटर येथे 54, मुखेड कोविड केअर सेंटर येथे 25, नायगाव कोविड केअर सेंटर येथे 7, जिल्हा रुग्णालय येथे 7, बिलोली कोविड केअर सेंटर येथे 8, हिमायतनगर कोविड केअर सेंटर येथे 2, किनवट कोविड केअर सेंटर येथे 2, हदगाव कोविड केअर सेंटर येथे 1 बाधित तसेच नांदेड शहरातील एका खाजगी रुग्णालयात 9 बाधित व्यक्ती उपचार घेत असून 8 बाधित औरंगाबाद येथे संदर्भित झाले आहेत. शनिवार 11 जुलै रोजी 340 व्यक्तींचे स्वॅब तपासणीसाठी पाठविण्यात आले असून त्यांचा अहवाल उद्या सायंकाळी पर्यंत प्राप्त होईल.

जिल्ह्याची कोरोना विषयी संक्षीप्त माहिती पुढील प्रमाणे

सर्वेक्षण- 1 लाख 47 हजार 671,

घेतलेले स्वॅब- 8 हजार 38,

निगेटिव्ह स्वॅब- 6 हजार 576,

आज पॉझिटिव्ह स्वॅब संख्या- 11,

एकुण पॉझिटिव्ह बाधित व्यक्ती- 569,

आज स्वॅब तपासणी अनिर्णीत संख्या- 11,

आज स्वॅब नाकारण्यात आलेली संख्या- 3,

मृत्यू संख्या- 27,

रुग्णालयातून सुट्टी दिलेली संख्या- 361,

रुग्णालयात उपचार घेत असलेले बाधित व्यक्ती- 181,

प्रलंबित स्वॅब तपासणी संख्या 340 एवढी संख्या आहे.

कोरोना संदर्भात जनतेने अफवांवर विश्वास ठेवू नये तसेच मनात कुठल्याही प्रकारची भिती न बाळगता अत्यावश्यक कामाशिवाय घराबाहेर पडू नये. आपल्या मोबाईलवर आरोग्य सेतू ॲप डाऊनलोड करुन घ्यावा जेणे करुन आपल्या सभोवती कोरोना बाधित रुग्ण असल्यास आपणास हे ॲप सतर्क करेल, असे आवाहन जिल्हा शल्यचिकित्सक डॉ. निळकंठ भोसीकर यांनी केले आहे.

Leave a Reply

Your email address will not be published.