दिलासा : कोरोनामुक्त 06 रुग्णांना डिस्चार्ज ,हिंगोलीत 36 कोरोना बाधीत रुग्ण
हिंगोली, दि.15: येथील जिल्हा सामान्य रुग्णालयातील आयसोलेशन वार्डमध्ये भरती असलेल्या 06 कोरोना बाधीत रुग्ण बरे झाल्याने आज त्यांना डिस्चार्ज देण्यात आला. आजपर्यंत हिंगोली जिल्ह्यात एकुण 228 व्यक्तींना कोविड-19 ची लागण झाल्याचे अहवालातून स्पष्ट झाले आहे. त्यापैकी 192 रूग्ण बरे झाल्याने त्यांना डिस्चार्ज देण्यात आला आहे. तर सद्यस्थितीत जिल्ह्यात 36 कोरोना बाधीत रुग्ण असून या सर्व रुग्णांवर तज्ज्ञझ डॉक्टरांमार्फत औषधोपचार करण्यात येत आहेत. या सर्वांची प्रकृती स्थिर असून, त्यांना कुठल्याही प्रकारची गंभीर लक्षणे सद्यस्थितीत नाहीत.नागरिकांनी घराबाहेर पडू नये. तसेच घरी थांबून आपले आणि आपल्या कुटूंबाच्या आरोग्याची काळजी घेवून जिल्हा प्रशासनास सहकार्य करावे, असे आवाहन जिल्हा प्रशासनामार्फत करण्यात आले आहे.