विद्यापीठात जाऊन मारहाण करणं ही कुठली संस्कृती ?    विचारवंतांची निष्क्रियता हा कलंक संत गोरोबा काका साहित्य नगरी (उस्मानाबाद) : विद्यापीठात शिकणाऱ्या आमच्या मुलांच्या डोक्यावर दंडुके पडत असताना गप्प कसे बसायचे? विद्यापीठात जाऊन मारहाण करणं ही कुठली संस्कृती ? आम्ही त्याचा विरोध करू. प्रखर विरोध करू, तुम्हाला आमचे जे करायचे आहे ते करा, पण आम्ही ते बोलत राहू, अशा प्रखर शब्दांत ९३व्या अखिल भारतीय मराठी साहित्य संमेलनाचे अध्यक्ष फादर फ्रान्सिस दिब्रिटो यांनी वर्तमानातील दडपशाहीच्या राजकारणावर टीका केली. उस्मानाबाद येथे सुरू झालेल्या ९३व्या अखिल भारतीय मराठी साहित्य संमेलनाच्या अध्यक्षपदावरून फादर दिब्रिटो बोलत होते. प्रसिद्ध निसर्गकवी ना. धों. महानोर यांच्या हस्ते संमेलनाचे उद्घाटन झाले. या वेळी संमेलनाध्यक्ष दिब्रिटो म्हणाले, कुणाच्या ताटात काय आहे, यावर एखाद्याचे जगणे किंवा मरणे अवलंबून असावे, ही अतिशय दुर्दैवी बाब आहे. आज सर्रास गाईच्या नावाने माणसांचे गळे चिरले जात आहेत; ... ...

साहित्य संमेलनाच्या उद्घाटनाला जाऊ नका; ब्राह्मण संघाचा महानोरांना इशारा उस्मानाबाद: उस्मानाबादमध्ये शुक्रवारपासून सुरु होत असलेल्या ९३व्या अखिल भारतीय मराठी साहित्य संमेलनावरून धार्मिक वाद पेटला आहे. या संमेलनाच्या अध्यक्षपदी निवड झालेले फादर फ्रान्सिस दिब्रिटो यांना ब्राह्मण महासंघाचा विरोध आहे. त्यामुळे ब्राह्मण महासंघाने ज्येष्ठ साहित्यिक ना.धो. महानोर यांना साहित्य संमेलनाच्या उद्घाटनाला उपस्थित राहू नये, असा इशारा दिला आहे. ब्राह्मण महासंघाने ना.धो. महानोर यांना तसे पत्र पाठवले आहे. या पत्रात ब्राह्ण महासंघाने म्हटले आहे की, उद्या साहित्य संमेलनाच्या ठिकाणी १५० ख्रिस्त धर्मगुरू उपस्थित राहणार आहेत. या गोष्टीला आमचा तीव्र विरोध आहे. आम्ही आधीपासून सांगत आहोत की, फादर फ्रान्सिस दिब्रिटो साहित्यिक नसून धर्मप्रसारक आहेत. ते आता सिद्ध झाले. मराठा साहित्य संमेलनाला इतर कोणत्या धर्माच्या धर्मगुरूंना बोलावले आहे? यापूर्वी अंधश्रद्धा ... ...

संमेलनाध्यक्ष फ्रान्सिस दिब्रेटो यांची तब्येत खालावली उस्मानाबाद, 09 जानेवारी : उस्मानाबाद येथे होणाऱ्या अखिल भारतीय मराठी साहित्य संमेलनाचे अध्यक्ष फ्रान्सिस दिब्रेटो यांची तब्येत खालावली आहे.  त्यामुळे उद्या संमेलनाला येणार की नाही याबाबत साशंकता निर्माण झाली आहे. अखिल भारतीय मराठी साहित्य संमेलनाच्या अध्यक्षपदी  फ्रान्सिस दिब्रेटो यांची निवड झाल्यामुळे वाद निर्माण झाला होता. आता संमेलन उद्यावर येऊन ठेपले आहे. परंतु, संमेलनाच्या पूर्वसंध्येला संमेलनाध्यक्ष फ्रान्सिस दिब्रेटो यांची प्रकृती खालावली आहे. आज सकाळपासून दिब्रेटो यांच्यावर उपचार सुरू आहे. डॉक्टरांनी त्यांना आराम करण्याचा सल्ला दिला आहे. ...

93व्या अ.भा. साहित्य संमेलनाच्या स्वागत मंडळाची कार्यकारिणी जाहीर स्वागताध्यक्ष नितीन तावडे, कार्यवाह रवींद्र केसकर उस्मानाबाद – उस्मानाबाद येथे जानेवारी 2020 मध्ये होऊ घातलेल्या 93 व्या अखिल भारतीय मराठी साहित्य संमेलनाच्या स्वागताध्यक्षपदी मराठवाडा साहित्य परिषदेच्या उस्मानाबाद शाखेचे अध्यक्ष नितीन तावडे यांची निवड करण्यात आली आहे. तर संमेलनाच्या प्रमुख कार्यवाहपदी रवींद्र केसकर, कोषाध्यक्षपदासाठी माधव इंगळे यांच्या नावावर सर्वानुमते मोहर उमटविण्यात आली. ...

भ्रष्टाचार निर्मूलनाचे नाव धारण करणा-या सर्व संस्थांची बरखास्ती उस्मानाबाद : भ्रष्टाचार निर्मूलनाचे नाव धारण करणाऱ्या सर्व संस्थांची बरखास्ती करण्याचे निर्देश राज्य सरकारने दिले आहेत. भ्रष्टाचार निर्मूलन हे राज्य सरकारचे कामच असल्याचं धर्मादाय आयुक्तांनी स्पष्ट केलं. ‘भ्रष्टाचार निर्मूलन’ असे नाव कोणतीही संस्था धारण करु शकत नाही, असे सर्वोच्च न्यायालयानेही सांगितलेले असल्यामुळे ‘भ्रष्टाचार निर्मूलन’ हे नाव धारण करणाऱ्या सर्व संस्थांची नोंदणी रद्द करण्याचे निर्देश राज्य सरकारने दिले. जर संस्थेच्या पदाधिकाऱ्यांनी निर्देश मान्य नाही केले, तर संस्था बरखास्त करणार असल्याचंही धर्मादाय आयुक्तांनी काढलेल्या परिपत्रकात स्पष्ट केले आहे. मानवाधिकार हे नाव धारण करणाऱ्या संस्थाही बरखास्त होणार आहेत.  राज्यभरामध्ये या दोनही नावाने रजिस्टर झालेल्या शेकडो संस्था बंद होतील. अण्णा हजारेंच्या भ्रष्टाचार निर्मूलन या नोंदणीकृत ... ...

भाजपाचे धस विजयी ,पंकजा मुंडे यांनी मारली बाजी धनंजय मुंडे यांना झटका उस्मानाबाद :बीड--लातूर-उस्मानाबाद  स्थानिक स्वराज्य मतदारसंघाच्या निवडणुकीत भाजपाचे सुरेश धस यांचा  विजय झाला आहे. त्यांनी काँग्रेस आणि राष्ट्रवादीचे उमेदवार अशोक जगदाळे यांचा पराभव केला आहे. या विजयानंतर मुंडे भगिनींनीच वर्चस्व गाजवल्याची चर्चा सुरू झाली आहे.विधानपरिषदेतील विरोधी पक्ष नेते धनंजय मुंडे यांना जोरदार झटका बसला आहे .  ...

अवकाळी पावसाने झालेल्या नुकसानीचे पंचनामे त्वरीत करा - पालकमंत्री अर्जुन खोतकर उस्मानाबाद : उस्मानाबाद जिल्ह्यात गारपिटीसह झालेल्या अवकाळी पावसाचा मोठा फटका बसला. यामुळे पिकांचे आणि फळबागांचे मोठ्या प्रमाणात नुकसान झाले. जिल्ह्याचे पालकमंत्री अर्जुन खोतकर व जिल्हाधिकारी राधाकृष्ण गमे यांनी या घटनेची तातडीने दखल घेतली आहे. पालकमंत्री अर्जुन खोतकर यांनी आज सकाळी दूरध्वनीद्वारे जिल्हाधिकारी राधाकृष्ण गमे यांच्याशी चर्चा करून संपूर्ण जिल्ह्यात वादळ, अवकाळी पावसाने झालेल्या नुकसानीबाबतची माहिती घेतली. जिल्हा प्रशासनाने तातडीने नुकसानीचे पंचनामे करण्याबाबत व आवश्यक ती मदत करण्याबाबत पालकमंत्री श्री.खोतकर यांनी जिल्हाधिकारी श्री.गमे यांच्याशी सविस्तर चर्चा केली. मुख्यतः तुळजापुर क्षेत्रातील झालेल्या नुकसानीची शासनाकडून नोंद घेऊन मदत करण्याबाबत सूचना श्री.खोतकर यांनी केल्या आहेत. ...