भाजपच्या कोअर कमिटीतून पंकजा बाहेर बीड: भाजपच्या ज्येष्ठ नेत्या आणि माजी मंत्री पंकजा मुंडे यांनी आज (गुरुवार) गोपीनाथ गडावरुन एका नव्या इनिंगला सुरुवात केली आहे. कारण आजच्या मेळाव्यात पंकजा मुंडे यांनी आपली खदखद थेट व्यक्त केली. याचवेळी त्यांनी एक मोठी घोषणा केली. 'मी भाजपच्या कोअर कमिटीत यापुढे नसेन. मला पक्षाने कोअर कमिटीतून मुक्त करावं. मी पक्ष सोडणार नाही. पण गोपीनाथ मुंडेंच्या प्रतिष्ठानच्या माध्यमातून मी आता थेट जनतेमध्ये जाणार असून त्यांच्या प्रश्नासाठी आवाज उठविणार.' असं म्हणत पंकजा मुंडे यांनी आपली भूमिका स्पष्ट केली.  'माझ्यावर असा आरोप झाला की, मी एखादं पद मिळविण्यासाठी दबावतंत्राचा वापर करत आहे. त्यामुळेच आता माझ्याकडे कोअर कमिटीचं असणारं सदस्य पद देखील मी सोडत आहे.' असं वक्तव्य पंकजा मुंडे यांनी केलं आहे. त्यामुळे आता भाजपमध्ये थेट उभी फूट पडली असल्याचं दिसून येत आहे. पराभव वैगेरे चिल्लर गोष्टीनं खचणार नाही, मात्र गेल्या काही दिवसांत १५ वर्षांच्या राजकीय ... ...

माझा भरवसा धरू नका-एकनाथ खडसे बीड:भाजपचे ज्येष्ठ नेते एकनाथ खडसे यांनी तुफान फटकेबाजी केली. यावेळी खडसेंनी माजी मुख्यमंत्री देवेंद्र फडणवीस यांच्यावर तुफान टीका केली. पण याच वेळेस त्यांनी अत्यंत महत्त्वाचं वक्तव्य देखील केलं. 'पंकजाताई पक्ष सोडणार नाही पण आता माझा काही भरवसा धरु नका' असं म्हणत खडसे यांनी आपली भूमिका स्पष्ट केली.  गोपीनाथ मुंडें असताना भाजपमध्ये लोकशाही पद्धतीने निर्णय व्हायचे. असं म्हणत एकनाथ खडसे यांनी देवेंद्र फडणवीस यांच्या एकाधिकारशाहीबाबत प्रचंड नाराजी व्यक्त केली. 'पक्ष सोडून गेलं पाहिजे असी वागणूक आमच्यासारख्या ज्येष्ठ नेत्यांना पक्षात दिली गेली. पण फडणवीस यांनी एक गोष्ट लक्षात ठेवावी की, मुंडे साहेबांमुळेच फडणवीस २०१४ मध्ये प्रदेशाध्यक्ष झाले होते. त्यावेळी त्यासाठी माझी देखील संमती घेण्यात आली होती. ज्यामुळे ज्यांना मोठं केलं त्यांच्याकडून ही अपेक्षा नव्हती.' अशा शब्दात खडसेंनी फडणवीसांबाबतची नाराजी व्यक्त केली.  याचवेळी एकनाथ खडसेंनी ... ...

अनोख्या योजनेद्वारे प्रत्येक शेतकऱ्यापर्यंत स्वतंत्र वीज रोहित्र पोहोचविणार - पालकमंत्री पंकजा मुंडे   बीड : राज्य शासनाने महावितरणच्या माध्यमातून उच्च दाब वितरण प्रणाली योजने (एचव्हीडीएस) अंतर्गत लाभार्थी शेतकऱ्यांना प्रत्येकी स्वतंत्र रोहित्र देण्याचा निर्णय शासनाने घेतला असून 188 कोटी रुपये निधी मंजूर केला आहे, याअंतर्गत जिल्ह्यातील पात्र शेतकऱ्यांना वीज रोहित्र दिले जाते, असे प्रतिपादन पालकमंत्री  पंकजा मुंडे यांनी केले. महाराष्ट्र राज्य विद्युत वितरण कंपनीच्या वतीने आयोजित  एक शेतकरी एक डीपी योजनेच्या जिल्ह्यातील शुभारंभ प्रसंगी त्या बोलत होत्या. परळी तालुक्याच्या पांगरी गावातील विष्णू नागोराव पांचाळ या अल्पभूधारक शेतकऱ्यास शासनाच्यावतीने बसविण्यात आलेला 10 केवी क्षमतेच्या उच्चदाब रोहित्राचे उद्घाटन श्रीमती  मुंडे यांच्या हस्ते झाले. याप्रसंगी जिल्हा परिषदेच्या अध्यक्षा सविता गोल्हार, महावितरणचे लातूर ... ...

बीडमध्ये सगळ्या जागेवर भगवा पाहिजे बीड:‘जनतेने सरकारच्या दारात नव्हे तर सरकारने जनतेच्या दारात आले पाहिजे हा शिवसेनाप्रमुखांचा दंडक होता. ही खरी लोकशाही, ही खरी शिवशाही, तीच लोकशाही मला अभिप्रेत आहे. थापाडे सरकार आता नको, तुमच्यासाठी, महाराष्ट्राच्या उभारणीसाठी, शेतकऱ्यांच्या हितासाठी रयतेचे राज्य आले पाहिजे. केवळ छत्रपती शिवाजी महाराजांच्या नावाचा सत्तेसाठी वापर करणाऱ्यांना रयतेच्या राज्याचा विसर पडला आहे. शिवसैनिकांनो वङ्कामुठ आवळा. घराघरात, गावागावात जा. थापाड्या सरकारचे कारनामे सांगा, जे जाहिरातीत सांगितले होते ते तुमच्या पदरात पडले का हे विचारा. बस्स झाले आता. 2019 चा मुख्यमंत्री हा शिवसेनेचा असेल, महाराष्ट्राच्या विधीमंडळावरच काय दिल्लीच्या तख्तावरही शिवसेनेचा भगवा फडकेल असा जबरदस्त आत्मविश्वास शिवसेना पक्षप्रमुख उद्धव ठाकरे यांनी बीडमध्ये व्यक्त केला. सरकार चूकत असेल तर आसूड ओढणारच, उद्धव ठाकरे यांनी ... ...

बीड जिल्ह्यात मराठा आरक्षण मागणीचा पहिला बळी बीड : मराठा आरक्षणाच्या मागणीची धग दिवसेंदिवस वाढत आहे. सोमवारी आरक्षणाबाबत एकाने फेसबूक पोस्ट करून आत्महत्या केल्यानंतर १२ तासाच्या आता दुसरी घटना जिल्ह्यातील विडा येथे घडली आहे. अभिजीत बालाबसाहेब देशमुख (३५) असे तरुणाचे नाव असून त्याने सोमवारी मध्यरात्री प्लॅस्टिक पाईपने स्वतःच्या शेतामध्ये गळफास घेऊन आत्महत्या केली आहे. कुटूंबियावर बॅकेचे कर्ज, पदव्युत्तर शिक्षण होऊनही नोकरी मिळत नसल्याने तसेच आरक्षण नसल्याने निर्माण होणारे अडथळे या सर्व समस्यांना त्रासून आत्महत्या करीत असल्याचे त्यांनी चिठ्ठीमध्ये नमूद केले आहे. राज्यात आरक्षणावरून आत्महत्या होत असताना मी देखील यामधीलच एक असून बलिदान देणार असल्याचे त्यांनी मित्रांजवळ बोलून दाखविले होते. आणि सोमवारी मध्यरात्री करूनही दाखविले. अभिजित देशमुख याच्या घरची परिस्थिती नाजूक आहे . तो एमएस्सी शिकलेला असून ही आरक्षण न मिळाल्याने त्याला नौकरी लागली नाही .त्यामुळे ... ...

मराठा तरुणाच्या आत्महत्येस मुख्यमंत्री जबाबदार, पोलिसात तक्रार दाखल परळी वैजनाथ गंगापूर येथील तरुणाने केलेल्या आत्महत्येस राज्याचे मुख्यमंत्री देवेंद्र फडणवीस जबाबदार असल्याचा आरोप करत त्यांच्या विरोधात परळी शहर पोलीस ठाण्यात तक्रार करण्यात आली आहे. मराठा क्रांती मोर्चाचे समन्वयक अमित घाडगे यांनी हा तक्रार अर्ज सोमवारी सायंकाळी परळी शहर पोलीस ठाण्यास दिला असून, मुख्यमंत्र्यांवर कारवाई करण्यात यावी अशी मागणी या तक्रारीत करण्यात आली आहे.   या तक्रार अर्जात नमुद करण्यात आले आहे की, १८ जुलै पासून परळीत मराठा समाजाला आरक्षण व मेगा भरती रद्द करावी यासाठी आंदोलन चालू केले आहे. या आंदोलनाला पाठींबा देण्यासाठी राज्यभरात आंदोलने होत आहेत .परंतू राज्याचे मुख्यमंत्री देवेंद्र फडणवीस यांनी २२ जुलै रोजी एक वक्तव्य करत ‘मी मराठा समाजाला आरक्षण देऊ शकत नाही तसेच मेगा नोकर भरती होणार’, असे वक्तव्य केल्याने मराठा समाजातील तरुणांमध्ये एक नैराश्याची भावना निर्माण झाली होती. या नैराश्यातून ... ...

रमेश करडांची माघार!भाजपचे धक्कातंत्र यशस्वी बीड: लातूर-बीड-उस्मानाबाद विधानपरिषद निवडणुकीत भाजप नेत्या पंकजा मुंडे यांनी मास्टरस्ट्रोक मारला आहे. कारण भाजपमधून राष्ट्रवादीत दाखल झालेले उमेदवार रमेश कराड यांनी आश्चर्यकारकरित्या उमेदवारी मागे घेतली आहे. गोपीनाथ मुंडेंचे खंदे समर्थक असलेल्या रमेश कराड यांनी नुकताच राष्ट्रवादीत प्रवेश केला होता. त्यांना राष्ट्रवादी काँग्रेसने परभणीची बाबाजानी दुर्राणी यांची जागा सोडून, रमेश कराड यांना विधानपरिषदेचे तिकीटही दिले होते. मात्र आता त्यांनी ऐनवेळी उमेदवारी मागे घेतल्याने, या मतदारसंघात मोठा ट्विस्ट आला आहे. कारण वेळ निघून गेल्याने राष्ट्रवादी काँग्रेसकडे आता उमेदवारच नाही. रमेश कराड यांच्यासोबत डमी अर्ज भरलेले अशोक जगदाळे हे राष्ट्रवादीचे उमेदवार असतील. या मतदारसंघात भाजपने सुरेश धस यांना उमेदवारी दिली आहे. धस यांची राष्ट्रवादीने हकालपट्टी केली आहे. --------------------------------------- भाजपचे ... ...