मुंबई, दि. ८ : बुलढाणा जिल्ह्यातील उल्कापातामुळे तयार झालेल्या तसेच खारे पाणी असलेल्या जगप्रसिद्ध अशा लोणार सरोवराची इत्यंभूत माहिती आता ई – बुकच्या स्वरुपात उपलब्ध करण्यात आली आहे. राज्याचे पर्यटनमंत्री जयकुमार रावल यांच्या हस्ते आज याचे प्रकाशन करण्यात आले.

 

हे ई – बुक एमटीडीसीच्या www.maharashtratourism.gov.in या संकेतस्थळावर उपलब्ध आहे.  या ई-बुकमध्ये लोणार सरोवराची वैज्ञानिक माहिती, परिसरातील पर्यटनस्थळे, या सरोवरापर्यंत कसे पोहोचावे त्याची माहिती, परिसरात उपलब्ध असलेल्या एमटीडीसीच्या रिसॉर्टस् ची माहिती देण्यात आली आहे.