राज्यात १०१८ कोरोना बाधित रुग्ण ; ७९ जणांना घरी सोडले 12 लाखाहून अधिक लोकसंख्येचे सर्वेक्षण - आरोग्यमंत्री राजेश टोपे   मुंबई, दि.7: राज्यात आज कोरोनाच्या 150 नवीन रुग्णांची नोंद झाली. एकूण रुग्ण संख्या 1018 झाली आहे.  कोरोनाबाधित 79 रुग्ण बरे झाल्याने त्यांना घरी सोडण्यात आले आहे. सध्या राज्यात 875 रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी आज दिली.   राज्यात आजपर्यंत पाठविण्यात आलेल्या 20 हजार 877 नमुन्यांपैकी 19 हजार 290 जणांचे प्रयोगशाळा नमुने कोरोना करता निगेटिव्ह आले आहेत तर 1018 जण पॉझिटिव्ह आले आहेत. आतापर्यंत 79 कोरोना बाधित रुग्णांना ते बरे झाल्यानंतर रुग्णालयातून घरी सोडण्यात आले आहे.   सध्या राज्यात 34 हजार 695 व्यक्ती घरगुती अलगीकरणात असून 4008 जण संस्थात्मक क्वारंटाईन मध्ये आहेत.   निजामुद्दीन येथील झालेल्या धार्मिक कार्यक्रमात राज्यातील ज्या नागरिकांनी भाग घेतला होता त्यांचा ... ...

मिनी घाटीत तीन नवीन कोरोनाबाधित रुग्ण दाखल औरंगाबाद, दिनांक 07  :  जिल्हा सामान्य रूग्णालयात आज नवीन तीन रूग्णांचे लाळेचे नमुने सकारात्मक आल्याने नवीन तीन कोरोनाबाधित रूग्णांची भर पडली आहे. या कोरोनाबाधित व्यक्तींवर जिल्हा सामान्य रूग्णालयात उपचार सुरू असल्याचे जिल्हाशल्य चिकित्सक डॉ. सुंदर कुलकर्णी यांनी सांगितले.           जिल्हा सामान्य रूग्णालयात आज कोविड 19ची लक्षणे आढळणाऱ्या 195 रुग्णांची तपासणी करण्यात आली. ज्यापैकी 117 रुग्णांना घरीच अलगीकरणात (होम क्वारंटाइन) राहण्याचा वैद्यकीय सल्ला देण्यात आला. तसेच पैठण येथील 202 व्यक्तींनाही घरातच अलगीकरणात (होम क्वारंटाईन)  राहण्याचा सल्ला देण्यात आलेला आहे. एकूण 44 व्यक्तींच्या लाळेचे नमुने तपासणीसाठी घेण्यात आले, त्यापैकी 31 जणांचे अहवाल नकारात्मक (निगेटीव्ह) आले आहेत. तर 81 जणांचे अहवाल प्रतीक्षेत आहेत. एकूण 77 रूग्णांना कोरोना विषाणूच्या आजारासारखी लक्षणे आढळल्याने त्यांनाही  जिल्हा सामान्य ... ...

औरंगाबाद विभागात 25 कोरोनाबाधितांवर उपचार सुरू औरंगाबाद, दिनांक 07  : औरंगाबाद विभागांतर्गत आठ जिल्ह्यांमध्ये एकूण 27 कोरोनाबाधित रूग्ण आढळले आहेत. या 27 रूग्णांपैकी औरंगाबादच्या एका रूग्णास तपासणीअंती डिस्चार्ज देण्यात आलेला आहे. तर एक रूग्ण हा खासगी रूग्णालयात दाखल आहे. तर एका 52 वर्षीय कोरोनाबाधिताचा मृत्यू झालेला आहे. त्यापैकी आता 25 रूग्णांवर उपचार सुरू आहेत. यामध्ये सर्वाधिक औरंगाबाद जिल्ह्यात 14 तर परभणी, नांदेड आणि बीड या जिल्ह्यात अद्याप एकही कोरोनाबाधित रूग्ण आढळलेला नाही.  औरंगाबाद पाठोपाठ लातुरात आठ, उस्मानाबादेत तीन आणि जालना, हिंगोली जिल्ह्यात प्रत्येकी एक रूग्ण आहेत.            तपासणीसाठी आजपर्यंत एकूण  1371 नमुने  पाठवण्यात आले असून त्यापैकी 1045 नमुन्यांचे अहवाल प्राप्त झालेले आहेत.तर  299 नमुन्यांचा अहवाल प्रतीक्षेत आहेत. प्राप्त अहवाला पैकी 1021 नमुने निगेटिव आहेत. 24 नमुने पॉझिटिव्ह आहेत तर 27 नमुने मानकाप्रमाणे नसल्याने परत करण्यात आले आहेत. आतापर्यंत एका रुग्णाला ... ...

तालुकास्तरावर पुढील ३ महिने केवळ पाच रुपयात मिळणार शिवभोजन केशरी शिधापत्रिका धारकांना देखील सवलतीच्या दरात धान्य मुंबई, दि. 7 : शिवभोजन योजनेचा तालुकास्तरावर विस्तार करून पुढील तीन महिने 5 रुपये इतक्या दरात शिवभोजन थाळी देण्याचा निर्णय आज झालेल्या मंत्रिमंडळ बैठकीत घेण्यात आला. कोरोनाच्या प्रादुर्भावामुळे मजुर, स्थलांतरीत, बेघर तसेच बाहेरगावचे विद्यार्थी व इतर लोक यांचे जेवणाअभावी हाल होऊ नये यासाठी हा निर्णय घेण्यात आला.   सध्या जिल्हा मुख्यालयी ही शिवभोजन केंद्रे चालविली जातात.  आता तालुकास्तरावर सुरु होतील. पुढील तीन महिन्यासाठी शिवभोजनाच्या प्रती थाळीचा दर 5 रुपये इतका करण्यात आला आहे.    शिवभोजन थाळीची किंमत शहरी भागात 50 रुपये प्रती थाळी असून ग्रामीण भागात 35 रुपये इतकी आहे. प्रत्येक ग्राहकाकडून मिळालेल्या 5 रुपये एवढ्या रकमेव्यतिरिक्त उर्वरित रक्कम शहरी भागात प्रती थाळी 45 रुपये आणि ग्रामीण ... ...

स्वामी रामानंद तीर्थ मराठवाडा विद्यापीठामधील ‘कोरोना प्रयोगशाळा’ नमुने तपासणीसाठी तयार महाराष्ट्रातील पहिले विद्यापीठ होण्याचा बहुमान एकाचवेळी दोन तासात 384 नमुने तपासणी   नांदेड:स्वामी रामानंद तीर्थ मराठवाडा विद्यापीठातील इंक्य्युबेशन केंद्रामध्ये ‘कोरोना संसर्ग तपासणी प्रयोगशाळा’ तयार झाली आहे. येणाऱ्या दोन दिवसामध्ये आवश्यक त्या मान्यता केंद्र सरकारच्या राष्ट्रीय वैद्यकीय संशोधन परिषदेकडून (आयसीएमआर) प्राप्त होणार आहेत. त्यानंतर कोरोना संसर्गजन्य द्रवाचे नमुने तपासणी सुरु करण्यात येणार आहे. या प्रयोगशाळेमध्ये एकाचवेळी दोन तासात 384 नमुने तपासण्याची सुविधा उपलब्ध होणार आहे. यामुळे महाराष्ट्रामध्ये अशा प्रकारची प्रयोगशाळा निर्मिती करणारे स्वामी रामानंद तीर्थ मराठवाडा विद्यापीठ हे पहिले ठरणार आहे.   राज्याचे सार्वजनिक बांधकाममंत्री तथा पालकमंत्री अशोक चव्हाण, ... ...

विद्यार्थ्यांचे शैक्षणिक नुकसान होऊ न देण्याची राज्यपालांची विद्यापीठांना सूचना मुंबई, दि. 7 : कोरोनामुळे उद‌्भवलेल्या परिस्थितीच्या पार्श्वभूमीवर राज्यपाल तथा कुलपती भगतसिंह कोश्यारी यांनी आज राज्यातील सर्व विद्यापीठांच्या कुलगुरूंशी विविध विषयांवर चर्चा केली.   सध्याच्या परिस्थितीत विद्यार्थ्यांचे कुठलेही शैक्षणिक नुकसान होणार नाही तसेच विद्यापीठांच्या उन्हाळी परीक्षा सामायिक पध्दतीने घेण्याचे दृष्टीने प्रयत्न करावे, अशी सूचना राज्यपालांनी कुलगुरुंना केली. उच्च शिक्षणमंत्री उदय सामंत यांनी देखील व्हिडिओ कॉन्फरन्सव्दारे झालेल्या या बैठकीत सहभाग घेतला.   विद्यापीठांनी आपल्या आकस्मक निधीचा वापर कोरोना परीक्षण प्रयोगशाळा सुरु करणे, मास्क व सेनिटायझर निर्मिती तसेच इतर समाजोपयोगी साहित्य तयार करण्यासाठी करावा, अशीही सूचना राज्यपालांनी यावेळी केली.   वर्च्युअल क्लास रुम तसेच तंत्रज्ञानावर आधारित ... ...

जाधववाडीतील मंडीमध्ये भाजीपाला, फळांची ठोक स्वरूपातच होणार खरेदी-विक्री ! गरवारे स्टेडियम, आमखास मैदान, मोकळ्या मैदानावर किरकोळ खरेदी-विक्री औरंगाबाद, दिनांक 07  : जाधववाडीतील भाजीपाला बाजारात होत असलेली गर्दी रोखण्याच्या अनुषंगाने जाधववाडीत फळे व भाजीपाला बाजारात केवळ ठोक (घाऊक/होलसेल) स्वरुपात खरेदी-विक्री होईल. याबाबत महापालिका आयुक्त, कृषी उत्पन्न बाजार समिती व पोलिसांनी आवश्यक ती कार्यवाही पार पाडण्याचे बैठकीत ठरले.            औरंगाबाद शहरातील कृषी उत्पन्न बाजार समिती अंतर्गत जाधववाडी येथे घाऊक व किरकोळ (रिटेल) भाजीपाला खरेदी-विक्रीच्या दैनंदिन व्यवहाराच्या अनुषंगाने होत असलेल्या नागरिकांच्या गर्दीस तत्काळ आळा घालणे व सुरळीतपणे खरेदी-विक्री व्यवहार व्हावेत, यासाठी योग्य त्या उपाययोजना  करण्याच्या अनुषंगाने विभागीय आयुक्त कार्यालयात बैठक पार पडली. बैठकीस जिल्हाधिकारी उदय चौधरी, मनपा आयुक्त अस्तिककुमार पांडेय, अपर ... ...